رواية ( برفع راية الإستسلام و بقول أحبك )

بقلم الكاتبه المبدعه جروح الشوق
بعنوان
رواية ( برفع راية الإستسلام و بقول أحبك ) 885e0c9c21a4e359ab174e57df53b109

( برفع راية الإستسلام و بقول أحبك )
brb

رواية ( برفع راية الإستسلام و بقول أحبك ) 47ee90166a94baf0d507e818347f4b00

و هي قاعده مع ختها في الصالة

(تغريد)وهي ماسكه الريموت و عيونها على التلفزيون وهي تقلب القنوات: فطوم حبيبتي

(فاطمة)وهي ترفع عيونها من على المجلة الي في ايدها و قالت ببرود: خير

(تغريد): زهقانه خلينا نستهبل اشوي

(فاطمة)حطت المجلة من ايدها على الطاولة الي قدامها و طالعت في ساعتها: عمك و عايلته ما بقى شي و توصل روحي جهزي نفسك و لين ما تجهزي كل هم وصلو

(تغريد)تركت الرموت و جلست جنب ختها: كأنك متضايقه من جيتهم

(فاطمة)رفعت حاجب واحد و قالت بكل برود: باين علي لهذي الدرجة

(تغريد): يب يب

(فاطمة): الصراحة اني مو مضايقه منهم بس ابوي يبينا نقعد معاهم بمعنى جمعه رجال و حريم

(تغريد)مستغربة: من زمان و احنا نقعد هل القعده و ما فيها شي متحجبين و علينا عباياتنا و انتي عادي تكلمي اولاد عمك ايش تغير احين

(فاطمة): قصدي ان محمد معاهم

(تغريد)علامة استفهام كبيره على راسها: ايوه شنو الي يفرق؟

(فاطمة)عقدت حواجبها و قالت بضيق: اني اخر مرة شفته فيها كنت في سادس ابتدائي و احس انه غريب مدري مو مرتاحه يمكن لان بشوفه اول مرة من بعد مدة طويلة

(تغريد): اها .. لا تخافي و كوني على طبيعتك .. و بعدين ما دريت انك كذا جبانه و خوافه فكرتك عادي

(فاطمة): اني مو خايفه اني متوترة

(تغريد): بقوم اخذ شور و بتجهز

(فاطمة): طيب و اني بعد اشوي بقوم

}تعريف الشخصيات{
الاب سلمان عنده شركة الي يشوفه اقول ولد 16 من جماله

الام حصة هي بعد جميلة بس مو بجمال الاب

نور الولد الكبير عمره 28 سنة يشبه ابوه كثير هو اكثر واحد يشبه ابوه في العايلة جميل جدا جسمه متوسط مو متين ولا نحيف بشرته بيضة شعره اسود و عيونه زرقة عيونه تشبه لون البحر يدير شركة من شركات ابوه

وليد عمره 26 سنة هو بعد جميل بس مو بجمال نور نحيف بس مو كثير بشرته بيضة عيونه بنية و شعره احمر يحب الرسم و عنده مرسم في فرنسا بس بعد يشتغل مع ابوه في الشركة

فارس عمره 24 سنة جماله عادي جسمه متوسط عيونه بنية و شعره اسود يدرس في الجامعة

فاطمة عمرها 22 سنة جميلة مثل ابوها بس ما توصل الى نور جسمها رشيق بشرتها بييضة بس مو بيضة كثير شعرها اشقر و عيونها بنية

تغريد عمرها 17 سنة تدرس اخر سنة في ثنوي جسمها رشيق و بشرتها بيضة و عيونها سوده و شعرها احمر

بعد 5 دقايق يندق الباب فتحت الخدامه الباب و جلستهم و ركبت و دقت باب غرفة فاطمة و قالت لها ان عمها وصل فاطمة راحت تخبر ختها

(فاطمة)قدام باب تغريد: تغريد عمك وصل بنزل اسلم عليهم و انتي خبري امي و ابوي و انزلي

(تغريد): طيب

نزلت فاطمة مع انها متوترة بس ما حبت تبين عشان ما تضايق احد قربت لعمها و سلمت عليه و باست راسه و سلمت على زوجة عمها و بنت عمها

(فاطمة)مبتسمة ابتسامة ناعمة و عيونها تدور على اولاد عمها: اما انتو فسلام بالكلام

(فهد): طيب مافي بوس على الهوا

(فاطمة)وهي تجلس جنب بنت عمها ليان: لا

بعدين نزلت تغريد مع امها و ابوها وسلمو على الكل و جلسو

}تعريف الشخصيات{

العم فريد جميل عنده شركة

سعد الولد الكبير عمره 29 سنة جسمه متوسط بشرته سمره اشوي عيونه زرقة و شعره احمر عنده شركة

فهد عمره 28 سنة جسمه متوسط و بشرته بيضة و عيونه بنيه و شعره اسود و يشتغل مع ابوه

محمد عمره 25 سنة ماخذ جمال عمه جميل جداً جسمه متوسط مع عضلاته شعره اشقر و بشرته بيضة و عيونه زرقة يشتغل مع ابوه في الشركة هو اكثر واحد في العايلة واثق بنفسه زياده قصدي انه مغرور بس ما اشوف الناس اقل منه

ليان البنت الوحيد عمرها 19 سنة جميله مثل اخوها محمد رشيقه و بشرتها بيضة و عيونها بنية و شعرها اسود

(ليان)وهي تطالع في اخوها: فاطمة ما اشوفك تكلمي محمد كرهتيه

(فاطمة)طالعت في محمد بكل ثقة و قالت: مو قصدي بس اخوكي مغرور

(محمد)وعيونه عليها و قال بصوت حاد: انتي جريئة

(فاطمة): هذي مو جرائة بس اني قلت الحقيقة و مع كذا احب اكون جريئة شكراً

(محمد)رفع حاجب واحد وقال: الجرائة في البنت اعتبرها وقاحة

الكل فتح عيونه مستغربين من الي قاله محمد

(فاطمة)عصبت من الي قاله بس قالت بجرائة: سوري بس ما وصلت للوقاحة الي انت فيها

(ابو نور)يبي اسكت بنته: فاطمة

(فاطمة): اسفة بابا بس كان لازم ارد عليه

(محمد): ما شاء الله عليكي طلعتي اوقح مما اتوقع

(ابو سعد): محمد اسكت

(فاطمة)كملت ولا كأنه صار شي: ايه قولي انت كيفك؟

(محمد)ما حب يطول السالفة: انا تمام .. انتي الي كيفك؟

(فاطمة): اني بخير الحمد لله ... اخر مرة اتذكرك فيها كانت في سادس ابتدائي ايش هل الغيبة ليش ما تجي تزورنا؟

(محمد): اسف بس انا احب اسافر كثير

(فاطمة): ما شاء الله .. باين عليك .. اكيد تسافر لبلاد اجانب صح؟

(محمد)عرف انها تتكلم معاه عشان ما تعصب و تمسك اعصابها: الى هذي الدرجة ذكية

(فاطمة): مو صعبة لان احنا في العايلة الرجال ما يلبسو اسوارة صفرة كأنها ذهب

محمد فتح عيونه من كلامها و طالع في الاسوارة الي لابسنها و عشان ما احد يقعد اعاتبه فتحها و رماها في الزباله

(محمد)بتوتر: كانت هدية من صديق اجنبي و اطريت البسها مجاملة له و نسيتها علي

(فاطمة)بدون تدردد تبي ترد له وقاحته: ما في احد طلب منك تبرر

قاطعهم كلام (ليان): فطوم هاه ماتبي تراويني الرسمة الي جابها لك وليد من فرنسا

(فاطمة): ههه قومي اراويكي اياه

و قامو البنات

(فهد)وهو اساسر محمد: خير ايش فيك؟ ليه سويت كذا .. اقعد عاقل ولا تسوي مشاكل

(محمد): تصدق هل البنت عجبتني قوية

(فهد)طالع فيه وقال بتحذير: لا تقرب منها والا صدقني اقطع لك رقبتك فاهم

(محمد): لا تخاف فاهم

البنات في غرفة فاطمة

(ليان): واااااااو تجنن

(فاطمة): عيونك الي تجنن قلبو

(تغريد): أي طبعاً هي اجيبو لها و احنا حاقرينا

(فاطمة): ههههه فديت الغيرانه لا تخافي اني الي قلت له ابي رسمة مو هو الي هداني اياها

(تغريد): أي اشوه

(ليان): ههههه يلا ننزل

(فاطمة): اف صراحة مع احترامي .. ما ابي اشوف وجه اخوكي محمد

(ليان): ههههههه

(تغريد): تصدقي ليانو هي كانت متوترة قبل ما تجو بس شوفيها احين تحط عينها في عينه و تهزأه بعد

(ليان): هههه اعرفها فطوم طول عمرها جريئة

(فاطمة): خلونا ننزل لا اسوي فيكم مصيبة احين

نزلو البنات الصالة و قعدو على طاولة الطعام لانهم بحطو الغدا

(ليان): امممم شكله الاكل مشهي ريحته لذيذه

(تغريد): هههههه ذقتي ريحته

(ليان): هههه غلط نطقي هههه

(فاطمة): هههههه

(محمد)و عيونه على فاطمة: انا برايي فاطمة ما تتغذي خففي اشوي صايره متينه كثير

(فاطمة)ردت عليه و هي تقلده: انا برايي محمد ما تتغذا خفف اشوي صايره لك كرش

(محمد)و ابتسامة القهر على وجهه: ههههه(اختفت ابتسامته و قال): ظريفة

(فاطمة)و ابتسامة النصر على وجهاه: شكراً وهذي صفة ثانية محمد الذكي اكتشفها فيني

(سعد): خلاص كأنكم اطفال

(نور): خلهم .. ما تذكرهم وهم اصغار ما يتفقو على شي دايم هواش

(تغريد): حتى اني اتذكر

(فهد): شوف القافة انتي اساساً كنتي وقتها صغيرة و تقولي تذكري

(فارس): لازم تكون ملقوفة مو هي بنت

(تغريد): ايش قصدك

(نور): ببساطه كل البنات ملاقيف

(ليان): غلطان

(فاطمة): حتى الاولاد ملاقيف

(ابو نور): بدا احين النقاش السخيف

(تغريد): بابا شوفه اقول ان البنات ملاقيف

(محمد): يعني ما يسمع سمع الكلام ترى

(ابو سعد): خلاص سكرو الموضوع تكلمو في موضوع ثاني

(فاطمة): محمد انت شنو المناطق الي عجبتك من سفراتك ؟

(محمد)وعيونه لازالت عليها: فرنسا بتحديد باريس (و شدد على نبرة صوته و غيرها الى صوت ناعم اشوي و قال): بلاد العشاق

(فاطمة)بغير اهتمام الى نبرة صوته: صحيح باريس تجنن حلوه

(محمد): دام انها تعجبك و احنا في اجازة نسافر لها

(تغريد)وهي فرحانة: فكرة حلوة خلنا نروح .. بابا اترجاك

(فاطمة)قاطعتها و قالت: اني ما ابي اروح

(ليان)بترجي: فطوم قلبو لا ترفضي

(فاطمة)انحرجت: طلع الكل يبي يسافر .. طيب ما عندي مانع

(ابو نور): بعد الغدا نشوف

بعد الغدا اتفقوا نهم اسافرو الاسبوع الجاي فرنسا

(فاطمة)بكل احترام: عن اذنكم .. عندي جمعه على المسن و اني مواعده البنات اكون موجودة .. اسفة

(ابو سعد): لا عادي خذي راحتك

(ليان)وهي تثاوب: ابي انام اخذيني معك

(تغريد): لا حبيبت ماما اقعدي معاي

في غرفة فاطمة كانت تسولف مع صديقاتها و فرحانه قطع عليها صوت جوالها

(فاطمة)وهي تطالع الشاشة: رقم غريب.. اقول تقلع مو فاضيه

بعد خمس دقايق انرسلت رسالة مكتوب فيها

فطوم يالوقحة ردي علي

(فاطمة)و الجوال في ايدها: من قليل الادب ذا

دق الجوال و على طول ردت بصوت معصب

(فاطمة): خير .. نعم .. انت ما تستحي .. قليل ادب .. اذا اني وقحة انت شنو تطلع .. جد ناس مو متربية

(...): بل بل هدي

(فاطمة): من انت يا قليل الادب

(...): انا الي تحت قاعد انتظرك

(فاطمة)متفاجأة: خير؟ .. و سمع الي اقول عني وقحة ما شاف نفسه

(...): اشتقت اشوفك انزلي خليني افرح بشوفتك

(فاطمة): اني ما اعرفك و ما اتوقع انك تعرفني اكيد غلطان في الرقم

(...): لا مو غلطان مو انتي فاطمة سلمان ال***** اسم اخوكي نور و عندك اخو اسمه وليد و عنده مرسم في فرنسا

(فاطمة)خايفة: من انت؟

(...): انزلي الصالة و تعرفي

فاطمة سكرت الجوال و نزلت بسرعة حتى نست تلبس العباه و تتحجب من الخوف و لما قربت من نهاية الدرج انتبهت ان في احد واقف قربت و تجمدت مكانها
كان اطالعها بذهول متفاجئ من جمالها كانت لابسه بلوزه رقبه عاريه طويله لونها اصفر و فيه صورة قطوه بالرمادي و لابسه برموده سوده
هي ما قدرت تتحرك من مكانها تبي تبعد النظرات الي تطالع فيها بس مو قادره قطع تفاجأها صوت ...

لاتحرموني من ردودكم عشان اكمل الروايه Wink